ငယ်ငယ်ကအကြောင်းလေးတွေ ဆက်ပြောရအုံးမယ်။ တစ်ခါက အမျိုးတွေအားလုံးစုပြီး အဖိုးရဲ့ဇာတိ တိုက်ကြီးမြို့နယ် အောက်စုကျေးရွာကို အလည်သွားကြတယ်။ အဲဒီနေရာက နည်းနည်းတော့ခေါင်တယ်ထင်တယ်။ လျှပ်စစ်မီးလဲမရှိဘူး။ ဒါပေမဲ့ ကောက်ရိုးပုံတွေပေါ်တက်ဆော့၊ ဆီးသီးတွေကောက်၊ နွားလှည်းတွေစီးနဲ့ ပျော်ဖို့တော့ကောင်းတယ်။ ညရောက်တော့ လူကြီးတွေကလည်း လဘ္ဘက်သုပ်၊ ပဲကတ္တီပါပြုပ်၊ ရေနွေးကြမ်းနဲ့ ဝိုင်းဖွဲ့ပြီးစကားလက်ဆုံပြောမကုန်ပေါ့။ ကျွန်မတို့ ကလေးအဖွဲ့ကလည်း တစ်ဝိုင်းသတ်သတ် သရဲအကြောင်းတို့ စုန်းအကြောင်းတို့ ပြောပြီးကျောချမ်းနေကြတာ။ တောထုံးစံအတိုင်း ရေနံဆီမီးခွက်ထွန်းထားတာဆိုတော့ ဘာမှသဲသဲကွဲကွဲမမြင်ရဘူးလေ။ အဲဒီမှာ ကျွန်မရဲ့အလွဲတွေ စတာပဲ….။ ပဲကတ္တီပါပြုပ်ထဲမှာ ဖြူဖြူအလုံးလေးတစ်ချို့ကို ခပ်မှုန်မှုန်တွေ့လိုက်တယ်။ စိတ်ထဲမှာ.. “ ဟယ်.. တောကပဲကတ္တီပါပြုပ်လေးတွေက ငါတို့ဆီကလိုမဟုတ်ဘူးတော့.. ဖြူဖြူအလုံးလေးတွေဟ “ ဆိုပြီး သူများထက်ဦးအောင် သုံး၊ လေးလုံး အမြန်ခပ်ပြီးပါးစပ်ထဲကောက်ထည့်လိုက်တာ..။ “ အီး.. ဟီး.. ငန်လိုက်တာ..ဖွီး .. ဆားတွေ ၊ ဆားခဲတွေ” အဲဒါနဲ့ ငန်တယ်ငန်တယ်ဆိုပြီး ပါးစပ်ထဲကဆားတွေသွားထွေးထုတ်မလို့ ထပြေးတာနှစ်လှမ်း၊ သုံးလှမ်းပဲရှိသေးတယ် “ဘုတ်” ဆိုအောက်ပြုတ်ကျပါလေရော။ သူတို့တောအိမ်တွေက ကွပ်ပျစ်တစ်ဝက် မြေစိုက်တစ်ဝက်တွေလေ။ ကျွန်မက ကြမ်းပြင်တစ်ပြေးညီထင်ပြီး အပြေးတစ်ပိုင်းလျှောက်သွားတာ လူကြီးဒူးကျော်ကျော်မြင့်တဲ့ ကွပ်ပျစ်ပေါ်ကနေ ပြုတ်ကျတော့တာပေါ့။ ပါးစပ်က ငန်တာကတစ်မျိုး၊ ပြုတ်ကျလို့ နာတာကတစ်မျိုး၊ မေမေဆူလို့ စိတ်ညစ်တာကတစ်မျိုး၊ မောင်နှမတွေ ဝိုင်းရယ်ကြလို့ ရှက်တာကတစ်မျိုး…. အို.. အမျိုးပေါင်းကိုစုံသွားတာပါပဲ။ ဟီးဟီး… ခုပြန်တွေးကြည့်တော့ ရယ်ရတယ်။
တစ်ခါတုန်းကလည်း ဒေါ်လေးက ရုပ်ရှင်သွားကြည့်တာ ကျွန်မနဲ့ ကျွန်မရဲ့တစ်ဝမ်းကွဲညီမလေးကိုခေါ်သွားတယ်။ အဲဒီတုန်းကကျွန်မက ရှစ်နှစ်၊ သူကခုနစ်နှစ်လောက်ပဲရှိအုံးမယ်ထင်တယ်။ ဒေါ်လေးသူငယ်ချင်း အန်တီမူမူ လည်းပါတယ်။ အပြန်မှာ ဘတ်စ်ကားစောင့်နေတုန်း ဘယ်သူမှန်းမသိတဲ့ဦးလေးကြီးတစ်ယောက်က ကျွန်မညီမလေးရဲ့ ပါးကိုဆွဲသွားတယ်။ ကျွန်မညီမလေးက ဆံပင်ရှည်ရှည်လေးနဲ့ ချစ်စရာကောင်းပါတယ်။ အဲဒီလူကြီး ညီမလေးပါးကိုဆွဲသွားတာလဲမြင်ရော ကျွန်မလဲ ဘာမပြောညာမပြောနဲ့ ညီမလေးရဲ့ပါးကို ခပ်ဆတ်ဆတ်လေးပိတ်ရိုက်လိုက်တယ်။ ဒေါ်လေးက “ ဟဲ့ ဟဲ့.. ဘာလို့ အဲဒီလိုလုပ်ရတာလဲ “ ဆိုပြီးဆူတာပေါ့။ အရိုက်ခံလိုက်ရတဲ့ညီမလေးကတော့ ပါးစပ်လေးအဟောင်းသားနဲ့ ကြောင်ကြည့်နေရှာတယ်။ ကျွန်မကတော့ တည်တည်ငြိမ်ငြိမ်နဲ့ပဲ ဒေါ်လေးကိုရှင်းပြလိုက်ပါတယ်။ “အဖွားကပြောထားတယ် ဒေါ်လေးရဲ့.. ကိုယ်နဲ့မသိတဲ့သူတစ်ယောက်ယောက်က ကိုယ့်အသားကိုလာတို့ရင် အဲဒီနေရာကို ခပ်နာနာလေး မြန်မြန်ရိုက်လိုက်ရတယ်တဲ့.. အခုခေတ်မှာ ခလေးတွေကိုထုံဆေးနဲ့တို့ ခေါ်သွားပြီးတော့ ရောင်းစားတတ်ကြတယ်တဲ့” လို့ရှင်းပြလိုက်တယ်။ ကျွန်မခုလိုရှင်းပြလိုက်တော့မှ ညီမလေးကကျွန်မကို “ကယ်တင်ရှင်ကြီး” ဆိုတဲ့အကြည့်နဲ့လား ? ?? “နေနှင့်အုံးပေါ့” ဆိုတဲ့အကြည့်နဲ့လား??? ဘာမှန်းမသိတဲ့ အကြည့်မျိုးနဲ့ ကြည့်နေပြန်ပါတယ်။ ဒေါ်လေးနဲ့ သူ့သူငယ်ချင်းကတော့ တခိုးခိုးတခွိခွိနဲ့ရယ်မဆုံးတော့ပါဘူး။ ကျွန်မကလည်း တစ်ကယ်ကိုစိုးရိမ်စိတ်နဲ့ ရိုက်လိုက်တာလေ။ ဟိုဦးလေးကြီးကလည်းတစ်ကယ်ကို ချစ်စရာကောင်းလို့ ပါးလိမ်ဆွဲသွားတာပဲ။ ဒါကတော့ ကျွန်မရဲ့စေတနာ အလွဲလေးပါ။ နောက်ထပ် မရေမရာအလွဲလေးတွေ.. အသေအချာအလွဲလေးတွေလဲရှိသေးတယ်။ နောက်မှဆက်ပြောပြမယ်နော်။
