ကျွန်မငယ်ငယ်တုန်းက သိပ်တုံးတာပဲ (ခုလဲနည်းနည်း တုံးသေးတယ်)။ လုပ်လိုက်ရင် တလွဲချည်းပဲ။ ကြောက်တတ်လိုက်တာလဲလွန်ရော။ လူတွေကိုလဲကြောက်တယ်။ တစ်ခါမှ မမြင်ဘူးတဲ့ သရဲကိုလည်း ကြောက်တယ်။ အဆူ၊ အရိုက်ခံရမှာလဲကြောက်တယ်။ ဖား၊ ခရု၊ အိမ်မြောင် တို့ကိုလည်းကြောက်တယ်။ အို.. အားလုံးကိုကြောက်နေတာပါပဲ။ ငယ်ငယ်တုန်းက ဘယ်လောက်ကြောက်တတ်သလဲဆိုရင် တစ်ခါက အဘိုးနေမကောင်းဖြစ်တော့ ကျွန်မက ရှိက်ကြီးတငင်ငိုတာတဲ့။ ပါးစပ်ကလည်း "အဖေကြီးမသေရဘူး အဖေကြီးမသေရဘူး" လို့အော်ပြီးငိုတာ(အဘိုးကို အဖေကြီးလို့ခေါ်တာ)။ အဘိုးဘေးနားမှာ အဘွားလည်းရှိနေတယ်လေ။ အဘွားက မေးတယ် "ငါ့မြေးလေးက အဘိုးကို သိပ်ချစ်တာပဲလား"တဲ့။ ဒါကိုကျွန်မက ဘာဖြေတယ်မှတ်လဲ "ဟင့်အင်း၊ အဖေကြီးသေရင် သရဲဖြစ်ပြီး လာခြောက်မှာစိုးလို့" လို့ ရိုးသားစွာဖြေလိုက်တယ်။ နေမကောင်းတဲ့ အဘိုးတောင် ကျွန်မအဖြေကြောင့် ရယ်လိုက်တာလေ တော်တော်နဲ့မရပ်နိုင်ဘူး။ ကျွန်မကအဲသလို ပါးနပ်တာ။
နောက်ပြီး ကျွန်မရဲ့အားနည်းချက်တစ်ခုရှိသေးတယ်။ အဲဒါကတော့ အစားမက်တာပဲ။ ကျွန်မငယ်ငယ်က အဘိုးတွေ အဘွားတွေနဲ့အနေများတယ်။ ဖေဖေ့အလုပ်က ခရီးသွားနေရတာ။ မေမေကလည်း ရုံးဝန်ထမ်း။ အဘိုးက ကျွန်မကိုအရမ်းချစ်တာ။ အပြင်ကပြန်လာတိုင်း စားစရာ တစ်ခုခုပါလာတတ်တယ်။ တစ်ခါတော့ အဘိုးတို့ အိမ်အရောင်းအ၀ယ်ကိစ္စ အမှု ဖြစ်နေတဲ့အချိန် ရုံးချိန်းကနေ စိတ်ရှုပ်ပြီးပြန်လာတဲ့အဘိုးကို ဘာစားစရာပါလဲဆိုပြီး အတင်းလိုက်မေးတာ။ အဘိုးက ဘာမှမပြောပေမဲ့ အဘွားကစိတ်တိုပြီး "ဘာမှမပါဘူးဟေ့ လဥ ပဲပါတယ်" လို့ ရွဲ့ပြောလိုက်တယ်။ အဲဒီမှာတင် ကျွန်မက "လဥစားမယ် လဥစားမယ်" ဆိုပြီး ကြမ်းပြင်မှာလူးလှိမ့် ငိုတာတဲ့ ( ဟီးဟီး.. အဲဒီတုန်းက ဘာမှန်းမှမသိတာ )။ ဒေါသဖြစ်နေတဲ့ အဘိုးနဲ့အဘွားမှာ ကျွန်မကိုကြည့်ပြီး အူတက်အောင်ရယ်ကြသတဲ့။
အစားမက်တဲ့အကြောင်းနဲ့ပတ်သက်တဲ့ ရယ်စရာလေးတွေပြောရဦးမယ်။ တစ်ည..ကျွန်မအိပ်ပျော်မလိုဖြစ်ပြီးမှ အသံတစ်ခုကြားလို့နိုးလာပြီး နားစွင့်လိုက်တယ်။ အဘွားရဲ့ခြင်ထောင်ထဲက ”ခွပ်..ခွပ်” ဆိုတဲ့အသံ။ ကျန်တဲ့နေရာသာ တုံးရ အ,ရမယ် ဒါမျိုးကတော့သွက်ပြီးသား။ ကိုယ်တစ်ယောက်ထဲလည်လှပြီထင်တာ အကြံတူတစ်ယောက်လည်းရှိသေးတယ်။ ကျွန်မညီမ၀မ်းကွဲလေးပေါ့။ သူကလည်း အဲဒီအသံကိုနားစွင့်နေတာလေ။ တစ်ယောက်နဲ့တစ်ယောက် လက်တို့လိုက်တာနဲ့ တန်းပြီးသဘောပေါက်လိုက်ကြတယ်။ ဒါနဲ့ပဲ အခန်းထဲက အသာလေးထွက် ခြေဖော့နင်းပြီး အဘွားခြင်ထောင်ထဲကို ပြေးဝင်ကြတာ။ ဟားဟား…ထင်တဲ့အတိုင်းပဲ အဘွားကို ပန်းသီးကြီးကိုက်လျက်သား တန်းမိတာပဲ။ အဘွားကတော့ “တော်တော်နားပါးတဲ့ဟာမလေးတွေ..နင်တို့ရန်ကိုကြောက်လို့ နင်တို့အိပ်တဲ့အထိစောင့်ပြီးမှစားတာကိုတောင်… ငါ့မှာဘယ်တော့မှဖြောင့်ဖြောင့်မစားရဘူး” အစရှိသဖြင့် ဆူလည်းဆူ၊ ရယ်လည်းရယ်ပေါ့။ ကျွန်မတို့ကတော့ သူ့ပန်းသီးကြီးကို အတင်းလုစားကြတာပဲ။ အဘွားကကျွန်မတို့ကို အတော်ချစ်ရှာတာပါ။ အစားအသောက်ဆိုလည်း ကျွန်မတို့ကိုအမြဲဦးစားပေးတာ။ ဒီလောက်ကျွေးနေတဲ့ကြားက ငတ်ကြီးကျလွန်းတဲ့ကျွန်မတို့ကို အဘွားတောင် စိတ်မရှည်တော့ဘူးပေါ့။
နောက်တစ်ခါ.. ရယ်စရာလေးရှိသေးတယ်။ ကျွန်မရဲ့ ၂နှစ်သားအရွယ်တစ်ဝမ်းကွဲမောင်လေးကို သူ့အမေ
(ကျွန်မအဒေါ်)က ငြိမ်အောင်ဆိုပြီး စတီးပန်းကန်လေးတစ်လုံးနဲ့ TVရှေ့မှာနေရာချပေးထားတယ်။ ကျွန်မလဲ သူ့ပန်းကန်ထဲက မလိုင်လုံးလေးတွေမြင်တာနဲ့ အရမ်းသွားရေကျသွားတာပေါ့။ ဒါပေမဲ့ ဒီကောင်လေးကလည်း သူ့အစားအသောက်ကို ထိလို့ကိုမရဘူး၊ အာပြဲကြီးနဲ့အော်ငိုတာ။ ကျွန်မက ဒီကလေးလောက်တော့ လှည့်တတ်ပါသေးတယ်ပေါ့။ “သားသား..ဟိုမှာ ကြည့်စမ်း…ကောင်ကောင်ကြီး” ဆိုပြီး TV ကိုလက်ညှိးထိုးပြပြီး သူ့ပန်းကန်ထဲကမလိုင်လုံးတစ်လုံးကို အမြန်နှိုက်ပြီး ပါးစပ်ထဲကောက်ထည့်ဝါးလိုက်တာ…။ အမလေး… ကံကောင်းလို့သွားမကျိုးတယ်။ သူ့အမေထည့်ပေးထားတာ မလိုင်လုံးမဟုတ်ဘဲ လောက်စာလုံးလေးတွေကိုး..။ “လောက်စာလုံးတွေလိမ့်ကုန်မှာစိုးလို့ ပန်းကန်နဲ့ထည့်ပေးထားတာ.. ကလေးတောင်ဒါကိုမစားရကောင်းမှန်းနားလည်တယ် … နင်ကငတ်တာကိုး” တဲ့။ ပြောလည်းခံရတော့မှာပေါ့။
ကျွန်မရဲ့အလွဲတွေက ဒါတွေတင်ဘယ်ကအုံးမလဲ နောက်မှဆက်ပြောပြအုံးမယ်………..
